வரைவு வாக்காளர் பட்டியல்

தமிழகத்தில் இன்று மாவட்டம் தோறும் இறுதி வாக்காளர் பட்டியல்கள் வெளியிடப்பட்டன. 2019ஆம் ஆண்டு சிறப்பு சுருக்கமுறை திருத்த இறுதி வாக்காளர் பட்டியல் குறித்து செய்தியாளர்களிடம் விளக்கம் அளித்த தலைமை தேர்தல் அதிகாரி சத்யபிரதா சாஹூ, தமிழகத்தின் மொத்த வாக்காளர்களின் எண்ணிக்கை, ஐந்து கோடியே 91 லட்சம். இதில் 2.92 கோடி ஆண் வாக்காளர்கள், 2.98 கோடி பெண் வாக்காளர்கள் உள்ளனர். தமிழகத்திலேயே மிகக்குறைந்த வாக்காளர்கள் உள்ள தொகுதியாக துறைமுகம் தொகுதி உள்ளது. இந்த தொகுதியின் மொத்த வாக்காளர் எண்ணிக்கை 1,66,515 ஆகும் என்றார்.

கடந்த செப்டம்பர், அக்டோபர் மாதங்களில் நடைபெற்ற சிறப்பு முகாம்களில், திருத்தம் செய்யப்பட்ட இறுதி வாக்காளர் பட்டியல் இன்று வெளியிடப்படும் என தலைமைத் தேர்தல் அதிகாரி சத்யபிரத சாகு தெரிவித்துள்ளார். இதுகுறித்து அவர் மேலும் தெரிவிக்கையில், தமிழகம் முழுவதும் இறுதி வாக்காளர் பட்டியல் இன்று வெளியிடப்பட உள்ளது. இந்த பட்டியல், சென்னை மாநகராட்சி அலுவலகங்களிலும், மாவட்டங்களில் வட்டாட்சியர் அலுவலகங்களிலும் பொது மக்களின் பார்வைக்கு வைக்கப்பட உள்ளது என்றும் கூறினார்.