Nayanthara

10-வது வாரத்திலும் சாதனை படைத்து வரும் விஸ்வாசம்

தல அஜித் நடிப்பில் பொங்கல் விருந்தாக திரைக்கு வந்த விஸ்வாசம் ரசிகர்களிடம் நல்ல வரவேற்பைப் பெற்றது. இந்நிலையில் விஸ்வாசம் வெலிவந்து 10 வாரம் ஆகியும் இன்னும் ஒரு சில திரையரங்கில் இப்படம் வெற்றி நடைப்போடுகின்றது. தற்போது 10 வது வாரத்தை தொட்டுள்ள விஸ்வாசம் பட சென்னை ரோகினி திரையரங்கில் திரைபடப்பட்டுள்ள நிலையில், இந்த படத்திற்காக மேலும் 2 ஷோவை அதிகரித்துள்ளது.

ரஜினிகாந்தின் அடுத்த படம் குறித்து அறிவிப்பு

Rajinikanth next movie: சமீபத்தில் ரஜினிகாந்த் நடித்த பேட்ட படம் மிகப்பெரிய வெற்றி பெற்றது, அதனைத் தொடர்ந்து ஏ ஆர் முருகதாஸ் இயக்கும் ஒரு படத்தில் ரஜினிகாந்த் நடிக்க உள்ளதாக தகவல்கள் வெளியாகியுள்ளது. இத்திரைப்படத்தில் ரஜினிகாந்த் இரட்டை வேடத்தில் நடிக்க இருப்பதாக தகவல் தெரிவிக்கப்பட்டுள்ளது. படத்தின் கதாநாயகிகளாக நயன்தாராவும், கீர்த்தி சுரேஷும் நடிப்பதற்கு வாய்ப்பு உள்ளதாக தெரிகிறது.

விசுவாசம் படத்தின் உண்மையான வசூல் நிலவரத்தை வெளியிட்ட சத்யஜோதி தியாகராஜன்

Viswasam Box Office Update:  சிவா இயக்கத்தில் அஜித் நயன்தாரா, அனுஷ்கா,விவேக், ஜெகபதிபாபு,ரோபோ சங்கர் உள்ளிட்ட பலர் நடிப்பில் வெளியான படம் விசுவாசம். ஜனவரி 10ஆம் தேதி வெளியான திரைப்படத்தின் வசூல் சாதனை பற்றி கூறிய சத்யஜோதி தியாகராஜன் “இந்தப் படம்தான் எனது வாழ் நாளில் ஆகச்சிறந்தது. இதற்கான பாராட்டு அஜித் மற்றும் ஒட்டுமொத்த படக் குழுவுக்கும் தான் செல்ல வேண்டும். இப்படம் தமிழகத்தில் மட்டும் ரூபாய் 125 கோடி முதல் 135 கோடி வசூல் செய்துள்ளது. விநியோகஸ்தர்களில் வாழ்நாள் பங்கு என்பது ரூபாய் 70 கோடி முதல் ரூபாய் 75 கோடி வரை எட்டும்.எந்த ஒரு அளவுகோலை வைத்து மதிப்பிட்டாலும் இந்த வசூல் வியப்புக்குரியது. படத்தின் கரு குடும்பம் குடும்பமாக வந்து ரசிகர்களை படம் பார்க்க வைத்தது. 600 திரையரங்குகளில் நாங்கள் படத்தை ரிலீஸ் செய்ய முடிந்தது எங்களுக்கு சாதகமாக அமைந்தது” எனத் தெரிவித்தார்.

விசுவாசம் திரைப்படத்தை அமேசான் ப்ரைம் வெளியிடக்கூடாது. அஜித் ரசிகர்கள் கண்டனம்

Viswasam On Amazon Prime:  அஜித் மற்றும் சிவா கூட்டணியில் நான்காவது முறையாக இணைந்து விசுவாசம் படத்தை தயாரித்தனர். இதில் நயன்தாரா மற்றும் யோகிபாபு இணைந்து நடித்துள்ளனர். குடும்பக் கதையை மையமாக கொண்டுள்ள இப்படம் மக்களிடையே மற்றும் அஜித் ரசிகர்களிடையே பெரும் வரவேற்பு பெற்றது. விசுவாசம் படத்தினுடைய டிஜிட்டல் உரிமையை அமேசான் பிரைம் பெற்றுள்ளது. இதனிடையே விசுவாசம் படத்தை அமேசான் பிரைம் வெளியிடலாமா என்று தனது ட்விட்டர் பக்கத்தில் ட்விட் செய்திருந்தனர். இதற்கு பல அஜித் ரசிகர்கள் மறுப்பு தெரிவித்து வருகின்றனர். விசுவாசம் இன்னும் சில திரையரங்குகளில் ஓடிக்கொண்டிருப்பதால் அஜித் ரசிகர்கள் இதை அமேசான் பிரைமில் வெளியிடக்கூடாது என்றும் தல அஜித்துடைய பிறந்த நாளான மே 1 அன்று வெளியிட வேண்டும் என்றும் கேட்டுக் கொண்டு வருகின்றனர்.

Sivakarthikeyan, Nayanthara Mr.Local Official Teaser: பிறந்த நாளில் டிரைலர் டிரிட் கொடுத்த படக்குழு

Watch: Nayanthara-Sivakarthikeyan’s ‘Mr Local’ Teaser : பிரபல நடிகர் சிவகார்த்திகேயன் தனது 34 வது பிறந்தநாளை கொண்டாடினார். அவரது பிறந்தநாளை முன்னிட்டு அவரது ரசிகர்களுக்கு டிரிட் கொடுக்கும் விதமாக சிவகார்த்திகேயன் நடித்த மிஸ்டர் லோக்கல் என்ற திரைபடத்தின் டிரைலர் வெளியிடப்பட்டது. இதில் சிவகார்த்திகேயனுக்கு ஜோடியாக நயந்தாரா நடித்துள்ளார். டிரைலரே பெரும் வரவேற்ப்பை பெற்றுள்ள நிலையில் படம் வெற்றி படமாக அமையும் என எதிர்பார்க்கப்படுகிறது.

Viswasam box office collection: வசூலில் அஜித்தின் விஸ்வாசம் இரண்டாவது இடம்

Viswasam Collections : பாக்ஸ் ஆபீஸ் வட்டாரங்களின் படி உலக அளவில் தயாரிப்பாளர்களுக்கும் விநியோகஸ்தர்களுக்கும் அதிக வசூல் கொடுத்த படங்களில் மெர்சல் மற்றும் சர்க்காரை பின்னுக்கு தள்ளி சிவா இயக்கத்தில் அஜித் நடித்த விஸ்வாசம் திரைப்படம் இரண்டாவது இடத்தை பெற்றுள்ளது. உலகம் முழுவதும் இத்திரைப்படம் 170 கோடி வசூல் செய்துள்ளது. முதல் இடத்தை எஸ் எஸ் ராஜமௌலியின் பாகுபலி தக்கவைத்துள்ளது.



Rajinikanth’s Next Movie: ரஜினியின் அடுத்த படத்தின் கதாநாயகி நயன்தாரா?

கார்த்திக் சுப்பாராஜ் இயக்கத்தில் ரஜினி நடித்த பேட்ட திரைப்படம் மாபெரும் வெற்றி பெற்றதையடுத்து ரஜினியின் அடுத்த படத்தை ஏ ஆர் முருகதாஸ் இயக்குகிறார். இந்த திரைப்படத்தில் ரஜினிக்கு ஜோடியாக நடிக்க நயன்தாராவிடம் பேச்சுவார்த்தை நடை பெற்று வருவதாக தகவல்கள் வெளியாகியுள்ளன. லைகா நிறுவனம் தயாரிக்கும் இத்திரைப்படத்திற்கு சந்தோஷ் சிவன் ஒளிப்பதிவு செய்கிறார்.

Tamil Cinema News: தல அஜித் உடன் மோதும் சிவகார்த்திகேயன்

அஜித் நடிப்பில் உருவாகி வரும் பிங்க் ஹிந்தி திரைப்படத்தின் தமிழ் ரீமேக் மே ஒன்றாம் தேதி வெளிவர உள்ளது. இந்நிலையில் சிவகார்த்திகேயன் மற்றும் நயன்தாரா நடித்து வரும் மிஸ்டர் லோக்கல் திரைப்படமும் அதே நாளில் வெளிவரும் என்று அறிவிக்கப்பட்டுள்ளது. இது ரசிகர்களிடையே மகிழ்ச்சியை ஏற்படுத்தி உள்ளது.

நயன்தாராவின் ஐரா படத்தின் மெலோடி பாடல் “மேகதூதம் பாடவேண்டும்”

லக்ஷ்மி மற்றும் மா குறும்படங்கள் புகழ் சர்ஜுன் இயக்கி லேடி சூப்பர் ஸ்டார் நயன்தாரா இரண்டு வேடங்களில் நடிக்கும் ஐரா திரைப்படத்திலிருந்து மேகதூதம் என்னும் பாடல் இன்று மாலை வெளியானது. இந்தப் பாடலுக்கு தாமரை வரிகள் எழுதியுள்ளார். சுந்தரமூர்த்தி கே எஸ் இசையமைத்துள்ளார். டிரைடண்ட் ஆர்ட்ஸ் நிறுவனம் இப்படத்தை தயாரித்துள்ளது. விரைவில் வெளிவர இருக்கும் இப்படத்திற்கு மக்களிடையே பெரும் எதிர்பார்ப்பு உள்ளது.

நயன்தாரா செயலால் அதிர்ச்சியில் கோலிவுட் தயாரிப்பாளர்கள்!

தான் நடிக்கும் படத்திற்கான புரோமோஷன் நிகழ்ச்சிகளில் பங்கேற்காமல் இருப்பதை தனது கொள்கையாக வைத்திருந்த நடிகை நயந்தாரா, சீரஞ்சீவி நடிப்பில் மிகப்பெரிய பொருட்செலவில் உருவாகும் பிரம்மாண்டமான படமான ‘சயீரா நரசிம்ம ரெட்டி’ பட புரொமோஷன் நிகழ்வுகளில் பங்கேற்க சம்மதம் தெரிவித்துள்ளார். இதனால் கோலிவுட்டில் நயந்தாராவை வைத்து படம் தயாரித்த தயாரிப்பாளர்களும், அவருடன் நடித்த சில ஹீரோக்களும் அதிர்ச்சியடைந்துள்ளதாகவும் கூறப்படுகிறது.

தளபதி 63 ஃபர்ஸ்ட் லுக் தேதி வெளியானது

விஜய் நடித்து வரும் 63-வது படத்தின் ஃபர்ஸ்ட் லுக் குறித்த தகவல் வெளியாகியுள்ளது. இந்தப் படத்தில் விஜய்க்கு ஜோடியாக நயன்தாரா நடிக்கிறார். விளையாட்டை மையப்படுத்தி உருவாகும் இந்தப் படத்தில் நடிகர் கதிர் முக்கிய கதாபாத்திரத்தில் நடிக்கிறார். இந்த வருட தீபாவளிக்கு படம் திரைக்கு வரும் என்று அறிவிக்கப்பட்டுள்ள நிலையில் படத்தின் ஃபர்ஸ்ட் லுக்கை விஜய்யின் பிறந்த நாளான ஜூன் 22-ம் தேதி வெளியிட படக்குழுவினர் திட்டமிட்டுள்ளனர்.

நயன்தாரா பேசிய இரட்டை அர்த்த வசனத்தில் உருவாகும் புதிய படம்

தமிழ் சினிமாவில் தற்போது லேடி சூப்பர்ஸ்டார் அந்தஸ்தில் உள்ள நடிகை நயன்தாரா நடிப்பில் வெளியான படம் நானும் ரவுடிதான். இப்படத்தில் க்ளைமேக்ஸ் காட்சிக்கு முன்பாக ஒரு காட்சியில் பார்த்திபனிடம் பேசும் ”ஒங்கள போடணும் சார்” என்ற வசனம் பேசுவார். இந்த இரட்டை அர்த்த வசனத்தையே ஜித்தன் ரமேஷ் ஹீரோவாக நடிக்கும் படத்துக்கு டைட்டிலாக வைத்துள்ளனர். ஜித்தன் ரமேஷ் உடன் 5 அறிமுக கதாநாயகிகள் நடிக்க உள்ளனர்.

இன்று தொடங்குகிறது தளபதி விஜய் நடிக்கும் ‘விஜய் 63’ படத்தின் படப்பிடிப்பு

சர்கார் படத்தை அடுத்து விஜய், இயக்குநர் அட்லியுடன் 3 -வது முறையாக கூட்டணித்துள்ள படம் “விஜய் 63”. இப்படத்தில் விஜய்க்கு ஜோடியாக நயன்தாரா நடிக்க உள்ளார். இந்தப் படத்துக்கு ஏ.ஆர்.ரஹ்மான் இசையமைக்கிறார். மேலும் இந்தப் படம் 2019-ம் ஆண்டின் தீபாவளிக்கு வெளியாகும் என்றும் அறிவிக்கப்பட்டுள்ளது. இந்தப் படத்தில் நடிகர் விவேக் மற்றும் யோகி பாபு ஆகியோர் நகைச்சுவை கதாபாத்திரத்தில் நடிக்கிறார். ஏஜிஎஸ் தயாரிப்பு நிறுவனம் இந்த படத்தை தயாரிக்கின்றனர்.

Viswasam Movie Review: “சிவா இஸ் பேக் வித் சக்செஸ்”

Viswasam Tamil Movie Review
Banner Sathya Jyothi Films
Cast Ajith Kumar, Nayanthara, Anikha, Vivek, Robo Shankar, Thambi Ramaiah, Sandhya Janak, Kovai Sarala, Yogi Babu, Kalairani, Chatrapathi Sekhar, Bose Venkat
Direction Siva
Production Sathya Jyothi Films
Music D.Imman

புரிந்து கொள்ளாமல் பிரிந்த காதல் மனைவியுடன் 10 ஆண்டுகளுக்குப் பின் புரிந்து கொண்டு இணையும் கணவரும், “குழந்தைகளை அவர்களது இஷ்டப்படி வளர விடுங்கள், அவர்கள் மீது உங்கள் விருப்பங்களை திணிக்காதீர்கள்” என அந்த கணவர் சொல்லும் மெஸேஜும்தான் படத்தின் கதை. இந்த படத்தின் முழுமையான விமர்சனத்தை இங்கே பார்க்கலாம்.

தலைக்கு வகிடெடுத்தாலும் அரிவாளால்தான் எடுப்பார்கள் போலிருக்கிறது. அப்படியொரு வில்லேஜ். அங்குதான் தூக்கு துரையாக தொடை தட்டுகிறார் அஜீத். ‘உங்களுக்கு தேவை முகம்தானே… பார்த்துக்கோங்க…. ரசிச்சுக்கோங்க…. வேணும்னா மூணு வேளையும் அர்ச்சனை கூட பண்ணிக்கோங்க. அதை தாண்டி மேக்கப் பற்றியெல்லாம் நோ அலட்டல்’ என்கிற தத்துவத்துடன் அறிமுகம் ஆகிறார் அஜீத்.

முதல் பாதி முழுக்க அஜீத்தை அணுஅணுவாக ரசிக்கும் அவரது ரசிகர்களுக்காக என்பதால், ஒவ்வொரு கமர்ஷியல் சினிமாக்கள் போன்று நகர்கிறது படம்.

அந்த ஊருக்கு மெடிக்கல் கேம்புக்காக வரும் நயன்தாராவுக்கு நேர்கிற சிலபல இன்னல்களை சொடக்கு போடுகிற நேரத்தில் விரட்டியடிக்கிறார் அஜீத். அவ்ளோ படிச்ச டாக்டர், ஒரு படிக்காத மேதையை கட்டிக்கொள்ள விரும்புகிறார். பெற்றோர் சம்மதத்துடன் திருமணம் நிறைவேற… ஒரு சின்ன சோகத்துடன் கதை மும்பைக்கு ஷிப்ட் ஆகிறது. அப்புறம்தான், இந்த கதை இப்படியே போனால் விவேகத்தின் பெருமைக்கு(?) இடைஞ்சலாகிவிடும் என்று உணர்கிறார் சிவா. செகன்ட் ஆஃப் முழுக்க உணர்ச்சிக்குவியல். ஒரு அப்பாவாக அஜீத் நின்று அடித்து விளையாடியிருக்கிறார்.

குறிப்பாக மகள் அனிகாவுக்கு நேர்கிற பிரச்சனையை நொடியில் புரிந்து கொள்ளும் அவர், ஒரு அரணாக நிற்கும் அழகும், அந்த கம்பீரமும் கைதட்டல் மழையை கொட்டுகிறது தியேட்டரில். ஃபைட் காட்சிகள் அதற்குள் முடிந்துவிட்டதா என்கிற ஏக்கத்தையும் தருகிறது அஜீத்தின் மின்னல் தெறிப்பு. ‘அப்பா…’ என்று மகள் அனிகா அழைக்கும்போது ‘என் சாமீ’ என்று அஜீத் நெஞ்சுருகி கரைகிற காட்சியில் கண்கலங்காத உள்ளங்கள் இவ்வுலகில்இருக்க முடியாது எனலாம்.

நயன்தாரா வழக்கம் போல தனது மெச்சூரிடி நடிப்பால் பிரமாதப்படுத்துகிறார். அதுவும் தன் மகளுக்கு முன் இவர்தான் அப்பா என்பது தெரியாமல் உணர்ச்சிகளை வெளிப்படுத்தும் அந்த கண்கள் ரசிக்க வைக்கிறது.

இவ்விருவருக்கும் இணையாக ஸ்கோர் பண்ணியிருக்கிறார் அனிகா. அந்த விஸ்தாரமான கிரவுண்டில் நிஜமாகவே ஓடிக் களைக்கிறாள் குழந்தை. உணர்ச்சி பீறிட வைக்கும் கதைக்கு பொருத்தமான முகம்.

ஜெகபதி பாபு வில்லத்தனத்தில் மிரட்டியிருக்கிறார். ஆனால் , அவரது அஜீத் மகள் மீதான கோபம் நியாயமே இல்லாதது என்பது படத்திற்கு பலவீனம்.

தம்பி ராமையா, ரோபோ சங்கர், யோகி பாபுவும் குறிப்பிட்ட இடங்களில் காமெடியால் சிரிக்க வைக்கின்றனர். கோவை சரளா, ரமேஷ் திலக், ரவி அவானா, பரத் ரெட்டி என மற்ற கதாபாத்திரங்களும் தங்கள் பங்களிப்பை நிறைவாக செய்திருக்கின்றனர்.

மொத்தத்தில் விஸ்வாசம் படத்தால் ”சிவா இஸ் பேக் வித் சக்செஸ்”