January 31, 2019
இந்தியாவுக்கு எதிராக 4-வது ஒருநாள் போட்டி: 8 விக்கெட் வித்தியாசத்தில் நியூசிலாந்து வெற்றி
5 years ago
இந்தியா – நியூசிலாந்து கிரிக்கெட் அணிகள் இடையே ஹாமில்டனில் நடந்து வரும் 4-வது ஒரு நாள் போட்டியில் டாஸ் வென்ற நியூசிலாந்து பீல்டிங்கை தேர்வு செய்தது. இதை தொடர்ந்து இந்திய அணி பேட்டிங் செய்து 30 ஓவர் முடிவில் 92 ரன்கள் எடுத்த நிலையில் ஆல்அவுட் ஆனது. நியூசிலாந்து பவுலர் டிரெண்ட் போல்ட் 5 விக்கெட்டுகளை வீழ்த்தினார். தனது 200வது போட்டியில் இந்திய அணி கேப்டன் ரோஹித் ஷர்மா 7 ரன்னில் ஆட்டமிழந்து ஏமாற்றம் அளித்தார். 93 ரன்கள் என்ற எளிதான வெற்றி இலக்குடன் களமிறங்கிய நியூசிலாந்து அணி 8 விக்கெட் வித்தியாசத்தில் நியூசிலாந்து வெற்றி பெற்றது. 5 விக்கெட்டுகளை வீழ்த்திய நியூசிலாந்து பவுலர் டிரெண்ட் போல்ட் ஆட்டநாயகனாக தேர்வு செய்யப்பட்டார். இரு அணிகள் இடையேயான 5-வது ஒருநாள் போட்டி வரும் 3-ம் தேதி நடக்க உள்ளது.